世界真細小

搬入society hill towers剛好一個月。烏龍如我﹐居然重未知原來Allan Domb Real Estate並唔係我所租住單位既業主﹐原來業主另有其人。當正牌業主﹐一位名Henry Donner既律師﹐將我錯寫俾Allan Domb既支票寄回﹐我至仿然大吾。最妙係Mr. Donner所創辦既律師行近日因擴張業務而需要作內部裝修﹐而我既頂頭上司原來剛好係早前接左呢個工程。我既房東原來又係我既客戶。
昨晚我參加society hill towers既新住客歡迎派對。因society hill towers 係名建築師貝聿銘既手筆﹐所以大家好似對從事建築既我特別有興趣。閑談間居然發現原來有兩位人兄亦係我地公司以前既客戶﹐並囑付我向大老闆問好。我只能講一句"世界真細小"。