香港俗語

好耐之前收過一個咁既電郵。我亦有轉寄過出去。一時心血來潮﹐想折錄放係部落度。
如果你係香港嚟﹐又如果你已年界一枝花或爛茶渣年齡﹐我諗以下俗語對你應該唔會陌生。

人 之 初 , 口 多 多 (童 言 無 忌 ， 口 不 擇 言 。 )
知 少 少 , 扮 代 表 (貪 功 認 叻 。 )
牙 斬 斬 , 死 得 慘 (禍 從 口 出 。 )
聲 大 大 , 冇貨 賣 (言 過 其 實 。 )
周 身 郁 , 扮 忙 碌 (郁 者 ， 動 也 ； 講 多 過 做 。 )
靜 雞 雞 , 認 低 威 (衰 衰 地 認 錯 也 。 )
有 早 知 , 冇乞 兒 (世 事 難 料 。 )
晨 早 知 , 中 三 T (三 T， 香 港 最 多 獎 金 的 賽 馬 彩 池 。 )
擔凳仔 , 霸 頭 位 (驚 死 執 輸 。 )
搞 搞 振 , 冇 幫 襯 (搞 事 破 壞 份 子 。 )
側 側 膊 , 唔 多 覺 (得 過 且 過 ， 求 求 其 其 。 )
搏 大 霧 , 唔 使 做 (使 讀 作 洗 ； 混 水 摸 魚 。 )
繞 埋 手 , 晨 早 走 (練 精 學 懶 。 )
有 得 振 , 冇 得 瞓 (大 禍 臨 頭 。 振 ， 顫 抖 也 。 )
有 姿 勢 , 冇 實 際 (虛 有 其 表 。 )
有 交 易 , 靠 實 力 (不 靠 偏 門 左 道 。 )
淡 淡 定 , 有 錢 剩 (凡 事 處 變 不 驚 ； 剩 ， 音 「 靜 」 。 )
失 失 慌 , 害 街 坊 (小 不 忍 則 亂 大 謀 。 )
隨 口 up , 當 祕 笈 (語 不 驚 人 誓 不 休 。 )
有 異 性 , 無 人 性 (見 色 忘 義 。 )
贏 粒 糖 , 輸 間 廠 (十 賭 九 輸 。 )
贏 把 遮 , 輸 架 車 (前 句 另 一 個 版 本 。 )
十 八 樓 , 自 己 友 (街 坊 街 里 ， 守 望 相 助 。 )
女 人 心 , 海 底 針 (女 人 善 變 。 )
咖 喱 啡 , 扮 阿 姐 (充 大。 )
趁 佢 病 , 挪佢 命 (趕 盡 殺 絕 。 )
眼 光 光 , 等 天 光 (失 眠 ， 滿 懷 心 事 。 )
印 印腳 , 等 人 約 (無 所 事 事 。 )
人 工 高 , 冇 祕 撈 (祕 撈 ， 祕 密 地 去 做 兼 職 也 。 )
唔 夠 班 , 執 二 攤 (未 夠 斤 兩 。 )
著 草 鞋 , 有 排 捱 (著 草 ， 是 黑 語 ， 即 走 路 、 遲 難 之 意 。 )
走 得 快 , 好 世 界 (童 年 時 順 口 溜 。 )
走 得 摩 , 冇鼻哥 (走 得 慢 者 ， 沒 好 下 場 。 )
大 肚 Dum , 冇良 心 (童 年 時 順 口 溜 。 )
有 Background , 冇困 難 (Background， 人 事 背 景 也 。 )
起 大 屋 , 靠 表 叔 (表 叔 ， 中 國 大 陸 幹 部 之 稱 ， 此 句 意 思 是 想 在 大 陸 發 達 ， 買 田 買 地 ， 非 依 靠 高 幹 不 可 為 也 。 )