摸索

眾所周知﹐我係一個電腦白癡。可恨遍遍近日家中電腦頻頻出事。多謝BP同CCC&C IT help desk 嘅幫忙。真係唔講唔知﹐原來我電腦裡面有十幾個 system errors. 前兩日喺BP嘅大力協助下﹐膽粗粗咁處理左其中一個。剩下嘅真係無能為力﹐一定要BP上門修理。而今日我又再膽粗粗咁自行修理壞左一星期嘅打印機。同啲火星文字搏鬥左一輪﹐本想放棄﹐點知居然誤打誤撞間﹐被我修翻好。從中我又學會點樣喺廠方下載並安裝driver. (唔好笑我啦﹐話左係電腦白癡﹐我以前真係唔識架) 。 摸索間﹐雖懊惱﹐依然有趣味可言。而摸索得出所以然加完成後嘅滿足感﹐真係低翻晒。