落降頭

積積嘅同事嘅夢令我諗翻起前幾晚夢見大老細同頂頭上司俾人落降頭嘅夢。於是同阿頂頭講翻個夢。點知佢又同我講起件關於落降頭嘅事。話說頂頭上月尾去左亞洲玩兩星期﹐包括香港。臨去前一晚﹐佢阿娘話個啲地方好多人落降頭﹐(香港??? ) 於是俾左個之所謂僻邪蒜頭佢﹐叫佢放喺個旅行袋度。頂頭順手放落褲袋就無左件事。亞洲返嚟就先將所有褲攞去洗。洗完都唔知就放落乾衣機。直至乾衣機嘅熱力如同爐火般﹐焗到發出炒蒜頭香味﹐頂頭先發現唔妥。如是一乾衣機嘅蒜爆牛仔(褲)就係咁完成哪。