美人癡呆症

魚生話齋﹐如果你成日唔記得嘢﹐都未必代表你有癡呆症。但係如果你戴住眼鏡揾眼鏡﹐咁你就可能有機會有癡呆症。咁。。。。我。。。。
話說尋日朝早我刷緊牙之際﹐望見洗手盆邊有啲髒﹐於是一手繼續刷牙﹐一手攞布細擦。擦前我先將一蓋牙膏﹐洗手液﹐海棉等物移開。擦完又將一蓋物件歸位。移椅﹐點解枝牙刷唔見左呢? 望下廁所板蓋之上﹐無。望下掛牆架﹐無。會唔會跌左喺地下? 蹲低睇下﹐無。喺邊呢? 當企翻起身之際﹐喺鏡中望見含住枝牙刷嘅美人。真相大白﹐原來我患左美人癡呆症。