TWIN

世界首部一槽兩電梯系統於德國法蘭克福面世。呢個名為 Twin 嘅電梯系統﹐ 喺一個電梯槽裡面裝置兩部獨立升降嘅電梯。我同頂頭兩人研究左好耐都唔明點操作。終於發現原來佢係利用 destination dispatch 控制。一般嘅電梯﹐乘客會喺入電梯後再按去邊一層﹐但使用 destination dispatch 裝置﹐乘客則喺入電梯前按去邊一層﹐電腦立即案所有輸入﹐計算最有效路程﹐決定由邊架電梯停邊一層樓﹐再指示乘客應該搭邊個電梯槽嘅邊架電梯。因此據廠商 ThyssenKrupp Elevator 表示﹐Twin 絕對比一般單槽單電梯快﹐亦唔會出現相撞事件。當然最大嘅好處係慳位。原來呢個構思已喺七十年前出現。但係因為無實行嘅技術﹐所以擱置多年。終於喺電腦科技發達嘅今日實現構想。