變形腳掌

上次俾大家睇完我嘅傷膝﹐今次俾大家睇睇我一雙出現骨骼增生嘅腳掌。紅圈所視乃增生位置。一開始以為自己心理作用﹐但摸上手明顯比以前凸出些許。當初以為結繭。但當增生越發嚴重﹐雙腳越嚟越痛﹐終於忍唔住問我教練。證實原來係正常現象。佢哋個個如此。
我嘅左腳係 Forward one-foot spin 嘅支撐腳﹐而右腳係 jumps 嘅 landing foot。所以增生平均。嘩﹐遲啲到要學 Backward spin (右腳支撐)﹐同更高難度嘅 jumps 時﹐我嘅右腳會唔會凸到變十架形? 好彩教練話到某個地部就會停止增生﹐唔會再痛。
學溜冰真係好辛苦﹐付出好多代價。但苦中卻樂趣無窮。教練話我算係容易教﹐學得快嘅學生。如今已開始學 Freestyle 3 嘅動作。係唔係真係學得快我唔知﹐但我肯定下過苦功。如果以如此毅力跟隨神﹐當真無憾。