烏干達 Mission Possible 之 Murchison Fall 四星級動物大酒店

起完樓﹐行程都嚟到尾聲。最後嘅三日兩夜去左 Murchison Fall。大會幫我哋訂左四星級酒店。不過卻被動物入侵。啲狒狒當你無到﹐大行其道﹐瞓埋上凳度﹐差在未瞓埋上我哋張床度。 啲多色蜥蜴通街走﹐一個唔小心就會踩嚫佢哋。最離譜係連河馬都通街跑﹐令大家擔驚受怕。阿花因為從小俾圖書厄﹐真以為啲河馬傻更更﹐好可愛。但原來非洲嘅河馬極之凶惡。據聞每年被動物襲擊傷亡最嚴重嘅其中一項係被河馬咬死。