新年快樂

嘩﹐大家都咁快﹐各大臺都已推出新年特輯。 真係星光熠熠。 喺度祝大家新年蒙福。希望各位新一年能夠多讀聖經﹐享其"一本"萬利; 多禱告﹐自能"生"意興隆。
每個農曆新年我都會預備一啲小禮包俾各同事﹐而每次都會攪攪新意思﹐募求喺包裝上表現中國優良文化嘅一面。 但今年我已技窮﹐所以決定回歸自然﹐一個糖果盤攪掂﹐亦無須獨立包裝。 不過選購小食方面亦相當考心思。你知啲美國人將好多超正嘅中式美食視為怪獸看待。 喺迎合佢哋口味之餘又要不失中國本色﹐真係難難難。
不過唔好怪佢哋﹐我喺香港四出拜年嘅年代﹐喺各家嘅糖果盤中﹐亦盡情表現出我嘅揀飲擇食 (當然年代久遠﹐無依家咁多新款騎呢糖果選擇) 。我記得以前會專攻糖蓮子﹐糖蓮藕一類小食同開心果﹐其餘則難得一碰。 唔知各位又情歸何處呢?