趣味建築

今早無無聊。因為上週尾將幾個工程嘅設計圖發出﹐依家就只有等回音。處理完些少文件﹐悶得慌﹐於是睇下建築雜誌。見有個幾過癮嘅設計﹐想話與眾同樂。
上左圖係位於日本金沢市嘅美術館。頂樓嘅泳池底﹐居然有人行嚟行去。查實泳池水位只有幾寸深﹐而池底其實係樓下內園嘅強化玻璃天花。所以事實上喺池底行嚟行去嘅人群﹐實則係喺樓下內園行嚟行去。
上週同好姊妹講開佢嘅英倫遊。喺講到倫敦大橋時令我諗起以前喺建築雜誌見過嘅另一條倫敦小橋(上右圖)。小橋位於West London Paddington region嘅Grand Union canal. 正如倫敦大橋需要收放自如一樣﹐小橋亦能屈能伸﹐令行人﹐汽車同船隻均能通過。