感謝主

有一個自命非常「屬靈」但卻得個講字嘅基督徒，言必「讚美主」、「感謝主」。佢極願佢嘅愛駒亦能沾染佢個種靈氣，要佢亦識得「感謝主」、「讚美主」。於是佢訓練佢嘅馬聽得懂「讚美主」係表示要停落嚟﹐而「感謝主」就表示全力前衝。
佢總算無白費心機，佢嘅馬果然領略左呢兩句指示。於是佢洋洋自得。
一日，佢騎上馬，要到另外一個地方。
「感謝主」。語聲甫落，馬就全力前衝，越跑越快，似乎有啲不受控制。
於是佢急忙大叫「讚美主」﹐但係隻馬依然不受控制，飛跑如故，情急之下，佢用盡全力嘶叫一聲「讚美主」。呢次馬果然應聲停低。
然後佢察看週圍環境，不禁嚇一大跳，原來下面係個懸崖；只要再向前跑一兩呎，佢就會跌落去粉身碎骨。於是佢不禁低下頭，閉上眼，由衷地、虔誠地講左句。。。
「感謝主」！
。。。。。