我家大姐

今日同大姐傾電話﹐發現佢變化好大。亦發現原來我哋兩姊妹已經好耐無長談哪。
大我十年嘅大家姐﹐一直似阿媽多過似家姐。因為佢獨立﹐決斷﹐有主見。大姐喺我小學二年級就出國讀書﹐所以我基本上唔係同佢一齊長大。加上思想上嘅不同﹐總覺得同大姐好有距離。猶記得四年前佢重喺工作上不斷向上爬﹐大家都覺得佢一直係超級女強人。每年邀嘅稅重多過我年薪一大截﹐佢重覺得唔夠。然後佢喺年多兩年前生左小寶寶。估唔到佢今日居然話佢嘅最大志願係喺屋企湊仔。重話唔需要多﹐只要夠三餐﹐唔需要為生活擔憂就好滿足。又話自己以前成日買靚衫﹐買行頭好無聊。嘩﹐原來做左媽媽嘅人會有咁大變化。突然發現我同大姐嘅距離拉近左。
希望。。。希望有一日我哋嘅距離會因為大姐能信主而更接近。