清場

公司搬家﹐依家連續幾個禮拜五都要花半日收拾。望住一大堆圖則﹐文件夾﹐樣版。。。。茫茫然唔知從何開始。從來唔知原來自己有咁多嘢。好﹐一於從大大卷嘅圖則開始。嘩﹐居然搵翻差唔多六年前嘅手繪圖同模型﹐一於"撻"返屋企做 portfolio。嘩﹐重有三年幾前訂嘅牆架樣版﹐我自己無用﹐俾左裝修緊新居嘅同事。而圖書館個邊扔左好多布版出嚟﹐又有同事攞翻屋企做 patch work。咦﹐點解公司清場﹐返而令各位屋企多左嘢? 唔知到大家搬屋時﹐又會唔會搬返啲嘢返公司呢?