OT 累事

聖誕過後﹐又要加班。今晚做到夜夜哋﹐昂昂居居咁落樓。本來應該攞職員卡出嚟喺保安櫃臺插卡。點知因為心裡正盤算要搭巴士﹐攞錯左個 token 出嚟﹐差啲入埋落去個插卡 slot 度。好彩及時醒水。
走去搭巴士﹐又被人 harrass. 嗚嗚嗚。見前面重有一對夫婦作戒備狀。於是我都諗隨時落車(又係 cheap 友証策﹐俾左錢唔捨得落車)。正盤算中﹐聽到有人從後走過嚟﹐猛叫 hey girl, hey baby. 我二話不說﹐即刻起身向前跑。男子重猛叫 hey baby, don't go. 然後另一男子叫 Yo, leave the girl alone. 好彩岩岩到站﹐走都走唔切。真係嚇鬼死我。
今晚重有大把嘢做。聽日相信又要狂加班。所要應該去唔到 A 子同娜娜餐壽宴哪。唔好意思。喺度祝你哋生日快樂。身心康泰。