心愛香港大巡遊

之前我所講嘅講座﹐正確地講係一個異象分享晚會。分享十月十九號嘅心愛香港大巡遊。目的在希望香港所有基督徒﹐各門各派﹐齊齊放低各自唔同嘅派系哲學﹐同心合意向香港人宣告神。

十月十九日係重陽節﹐唔洗返工返學﹐希望有更多弟兄姊妹參與。當日會喺中環遮打花園集合。一同敬拜。然後開步巡遊到維多利亞公園。聽講各教會領袖行頭﹐會有號角﹐樂隊。(唔知會唔會有城牆瞓低呢?) 然後喺維園聚會。

我大概會參加。各位就算參加唔到﹐都請為之禱告﹐也為香港人禱告。