柔軟度

尋晚同幾個同我差唔多年紀 (咁年輕﹐冰校裡好似真係數得出就係我哋幾個) 嘅冰友同佢哋嘅朋友去食晚飯同睇表演。席間有兩位 pilates 教練。於是問左個我想問好耐嘅問題。到底女人年介十八重有無可能訓練身體嘅柔軟度? 兩人異口同聲話絕對有可能。佢哋話 clients 裡面有啲五十幾歲先嚟練﹐最終都可以擘一字碼。不過要有耐性﹐可能要一兩年嘅時間。即係話如果我努力練習﹐我都可以做到隻腳遞到好高﹐好優美嘅 spiral。但係唔記得問練習嘅動作有無啲要將尾龍骨捲入大腸諸如此類嘅超難度動作呢?
好期待加增柔軟度。