無電無水星期一

星期一﹐即係聽日啦﹐住宅大廈因為內部維修﹐要將整個系統關閉。將會無電﹐無電話﹐無食水﹐無廁所水﹐無電梯﹐無得煮食﹐一整日。對於朝九晚五嘅人士剛剛好全無影響。對於返夜班或午班嘅人士(例如我二姐﹐佢逢星期一返午班) 就陰公啲。要照常晨早出門﹐唔係就要由三十樓 young 落樓。對於啲退休人士﹐家庭主婦﹐又或者喺屋企返工嘅人就真係唔知去定留。留﹐嘜都無。去﹐流離浪蕩﹐hea 成日重累過返工﹐猶其啲公公婆婆。
好彩手上無死線﹐決定聽日晨早出門﹐晚間再返。帶個萍果﹐帶枝水 (其實呢兩樣都唔洗帶﹐不過屋企有﹐費事再買)﹐帶本小說。目標地點: 太古城。