賢良淑德

家母回鄉省親。收拾行囊時無哪哪攞左件小朋友衫出嚟話要帶俾小表兒甥女。見件BB女裙雖則款色布料略嫌老土﹐但不失可愛。正想問家母喺邊度買﹐佢話係我細個時車嘅。嗄? 點解我唔記得嘅? 先前有提過﹐初回港收拾時﹐發現自己年輕時自製嘅服飾。經母親一提﹐先記起原來我一度好喜歡車衫﹐印像開始歸位。前陣子發現先前買落嘅毛線﹐記起從前自己亦喜歡編織。為免浪費資源﹐遂動手編織頸巾俾小肥牛 (我姪女)。

原來我以前咁賢淑架? 何竟如今已不復當年心情?