假假假

因為要往烏干達﹐所以已開始注射疫苗。本來要注射 12 支﹐但驗血報告發現我抗體充足﹐減 3 支。正考慮是否將又貴效期又短嘅 3 支狂犬病疫苗刪除﹐於是上網睇資料。結果睇到一則令人髮指嘅新聞。上年喺四川﹐河北﹐山西均發現有假嘅人用狂犬病疫苗。
狂犬病疫苗有兩種注射法。一種好似我咁﹐未往疫區前先注射 3 支﹐如果當真被動物咬傷﹐再補 2 支 (唔知被喪屍咬傷有無效架呢?) 。但如果從未打過狂犬病疫苗而被咬傷﹐則要喺一個月內注射 5 劑疫苗。人類受狂犬病毒感染而唔處理﹐死亡率接近 100%。
因此人用狂犬病疫苗乃救命劑。而喺百物俱假嘅中國﹐居然出到假疫苗。據報﹐喺四川﹐大部份接受假疫苗注射嘅都係兒童。而喺河北﹐一位被狂犬咬傷嘅人士﹐經正途處理﹐直至注射到最後一支﹐醫生同佢本人都覺唔妥。追查後發現全屬假貨因而揭發假疫苗事件。但當時已過左治療嘅有效期﹐就算再注射真嘅疫苗﹐都未必能保命。
為錢而不擇手段﹐黯然。