麗群會

尋晚嘅珠聚如常極其吵耳﹐如常笑到肚痛。我哋都認為下次一定要訂間私人會所嘅房﹐唔係實在太令旁人側目。
歡聚過後﹐總有絲絲黯然。時光飛逝﹐實在太可怕。轉眼﹐一班"珠" 已經比當年大一倍。到我哋比現在再大一倍時﹐大概亦至人生盡頭。一切繁榮盛世﹐光輝亦然﹐衰敗亦然﹐都將成為過去。
總想到聖經叫我哋要愛惜光陰。如何愛惜? 如何謂不枉此生? 明知世上一切都捉唔緊﹐始終都會成過眼雲煙。但卻固執地想捉緊一絲一縷。明知唯有神嘅應許永不改變﹐無奈卻更覺如雲煙般飄緲。
掌管萬有﹐測知人心嘅神﹐我該當如何?