讀書

好想好似靚靚咁﹐再入學堂增值。但無錢﹐無勇氣。真係所謂書到用時方恨少﹐好多明明以往學過嘅嘢因為工作上無用到而生疏﹐甚至全然忘卻。以前忙忙忙﹐加上骨子裡嘅惰性﹐總有籍口唔溫故知新或繼續學習。到如今要揾工時卻突然覺得技不如人。雖然同學C同學L一致認為我只不過將standard set 到好高之故。但依然覺得自己未達標。為此心裡戚戚然。失眠時發左電郵俾美國嘅前上司傾心事。安慰嘅係回覆中佢肯定左我嘅能力﹐但同時了解我嘅佢熟知我總隱隱有嘅惰性﹐喺電郵中講 You need to be on the EDGE in order to challenge yourself and grow as an architect! Comfort breeds normality. 又俾佢講中左。我最怕就係走出我嘅舒適地帶。但上司嘅鼓勵令我知唔可以再齋坐然後自嘆。正好依家做緊單失美女﹐有嘅係時間﹐決定擬定時間表﹐將我覺得以往最弱嘅科目好好溫習。不單幫助自己加強見工時嘅自信﹐更為考牌作準備。在此亦要多謝各位聽過我發嚕騷同俾我鼓勵﹐陪我傾計到零晨﹐為我禱告嘅朋友同事。
加油﹐努力。