天各一方

上星期﹐出其不爾﹐收到兩個西岸嚟嘅電話。一個錯過左﹐只聽到留言﹐另一個則剛好接聽到。兩位姊妹都已有至少兩年未聯絡。一位喺留言中話翻電話簿時見到我嘅名﹐於是致電問候。雖然電話已改﹐但慶幸電話公司依然存留電話更改嘅留言。而另一位就話突然想起我﹐遂與之東拉西扯閑話家常。勾起好多過往嘅回憶。原來大家都已長大。但喺我記憶中﹐Eugene 嘅弟兄姊妹朋友仍被我塵封喺六年前我剛離開嘅模樣。記起久遠前幾位小弟兄姊妹﹐剛好選修我做教學助理嘅一班﹐於是好幾個主日﹐我哋就用教會圖書館補習。當時覺得佢哋真係好細﹐甚至今日仍有此感﹐但小姊妹喺電話中提醒我佢哋都大個哪﹐都已經工作一段日子﹐其中一位重快要結婚。六年。唔知六年後﹐身邊各人又該如何一翻境況?