努力﹐加油﹐ 努力﹐加油

大姐裝修地下室﹐問左我好多施工問題。之但係我十問八唔識。其實讀書時﹐我嘅結構課全部都係掹車邊過骨。最輝煌嘅一次喺我做嘅模型石屎橋﹐喺模型車嘅前輪上橋時就 lam 左。原來唔單只石屎無攪均﹐條鋼根重足足短左好多。依家事隔多年﹐學嘅嘢慢慢淡忘。再加上公司做嘅施工都係最簡單直接個種。所以我嘅結構施工學識﹐就同我嘅美貌朝反方向發展。不過為左要考牌﹐我要努力﹐加油啦。各行各業考試前﹐考試中﹐考試後嘅各位﹐大家都一齊努力﹐加油呀。