傷痕壘壘

原來除左BL咁唔小心會處處碰﹐ 同BBT會一腳瘀外﹐花蝴蝶都會處處割。最常見當然係喺 plotter 攞新鮮出爐嘅圖時割傷。但係一般我都好少理。之不過前一陣子我隨意伸手 攞文件夾時俾掛牆架嘅 tension cable 縲絲割傷﹐因為當時唔覺得痛﹐無理佢﹐後來居然發炎灌癑。之後又無無聊聊咁俾文件夾割傷﹐檯角尖割傷﹐連攞餃子都會俾冷凍格嘅冰擦傷。岩岩又喺轉身時將手指撞落鐵燈罩邊。因為旋轉嘅力度﹐割出一彎柳眉月﹐當場鮮血直流。但係最莫明其妙都係三日前俾玫瑰刺刺傷﹐小得不能再小嘅傷口﹐居然奇奇怪怪咁痛到今日。難怪乎有人會將傷心嘅愛情比喻為玫瑰﹔美麗﹐但係一旦刺傷就會痛好耐。