怪癖 Chain Post

好驚呀﹐好驚呀﹐被貼中添。等我喺食飯時間轉貼先﹐唔係就無時間轉架啦。
貼我的人:A子

規則：開始遊戲的人出一個題目，在自己的blog上寫上五個答案，然後在題目丟給另外五個人，在文末寫上這五個人的連結，並到這些人的留言版上留下：「你被貼了！」這五個被tag到的人，在自己的blog註明(並附上連結)是從哪一個blogger那裡來的題目，然後寫下答案，再去貼另外五個人。如此繼續下去。

我的五個怪癖﹕
怪癖一﹕ 屋企所有鐘﹐手錶都比正常時間快 (caller ID 除外﹐因為唔到我控制) 。但係每一個都唔同時間﹔有快20分鐘﹐15分鐘﹐12分鐘﹐10分鐘﹐等等等等。目的要混亂自己﹐唔知邊個係真實時間﹐等自己唔好遲到。無奈我記得晒每一個鐘快幾多﹐自動減翻﹐照樣遲到。
怪癖二﹕ 食黍米時鍾意逐粒逐粒 meet 嚟食﹐食到蚊瞓都味食完。但係每次食到最後個 4﹐5 行時﹐自己都 meet 到悶﹐就開始一行一行咁咬。
怪癖三﹕ 攞手袋﹐書包﹐嘜袋都好﹐凡係揹一邊膊頭嘅袋﹐我都會不自覺咁將條揹帶握到好緊。好似死驚有人會搶我嘢咁。但其實我自己係唔知架。直至每個袋嘅揹帶被我握到縐晒﹐我先發覺到。
怪癖四﹕ 每次洗完手﹐或者雙手碰到水後﹐例必即刻搽翻 handcream。如果無得搽﹐ 就會覺得成個人都乾嗔嗔咁。
怪癖五﹕扔垃圾紙張時﹐唔會揸埋一舊扔﹐ 又唔會成張扔﹐ 會將啲紙對摺再對摺先扔。

嘩﹐我識嘅人都被人貼晒啦。好。貼住你三個先。我傳比->
雨田清子﹕等你傳俾啲同學仔。
靚靚﹕大家都係靚女。等你翻嚟再傳未遲
BP: 睇下悶人玩唔玩呢家子嘢 。