吸星大法

武俠小說中嘅吸星大法有幾利害﹐就要問下陳牧師先知。但係 Form-Z 中嘅吸星大法有幾邪惡﹐我就可以細細道來。做過電腦模型嘅朋友大概都認同﹐令人既鎮奮同時又唔耐煩嘅就係最後一個 rendering 嘅步驟喇。猶其 Form-Z 嘅建築物夜景。日景尚好﹐因為一般都係得一個太陽﹐頂多再加多兩三個太陽都只係平均光源。但係夜景就有十幾到幾十盞燈。而每一盞燈投射到唔同物件上產生嘅反射同投影都唔同。如果有玻璃就要計埋物料反射﹐ 折射同穿透性等項目。務求達到與真實世界嘅現象相等。所以電腦要 render 一張圖﹐等閒兩三個鐘。聽過最離譜 7 日7夜。而且 render 緊嘅時候﹐部電腦唔可以做其他嘢。如果半路 hang 機﹐就要從零開始。所以要隨時視察﹐唔可以走人太耐。好彩今次出嘅十張圖﹐只有一張係夜景。而且我刪左好多細節部份。有見及每張 rendering 需時之久﹐Form-Z 設有一個吸星大法功能。就係將另一部有 network 又裝有 Form-Z 電腦嘅 memory "吸"過嚟比自己用。不過要經由被"吸"電腦同意。一但開始 render, 如果其中一方終止﹐render 到一半嘅圖就要從新開始。有次公司同事趕 Form-Z 圖﹐借用我部電腦嘅 memory. 本以為用少少﹐我重可以繼續用 AutoCad, 點知佢一嚟就吸乾淨盡。攪到我幾個鐘做唔到嘢。從始我哋叫呢個名為 render client and render server 嘅嘢為 evil function.
我係電腦白黐﹐孤漏寡聞。可能喺 IT 界﹐吸星大法實屬平常。不過無論如何﹐就算我覺得佢幾邪惡﹐都不失為一項有趣功能。