Immortal Beloved

BL 有得聽 Beethoven Rediscovered concert ﹐真羨慕。對貝多芬有興趣嘅各位﹐我誠意推介 Immortal Beloved. 1994 年嘅電影﹐雖然全套電影偏重貝多芬嘅三段情 (除卻三封真實信件﹐三個真實女人外﹐其餘感情故事細節未必屬實) 多於佢嘅音樂﹐不過全部電影嘅背景音樂都係貝多芬嘅作品。最感人嘅一幕喺第九交響樂首演當晚﹐空前成功。但係已失聰嘅貝多芬因為背向觀眾﹐渾然不知﹐仍沉浸於童年嘅回憶中。及至轉身時﹐全場站立﹐掌聲雷動。
電影手法有啲時空交錯﹐第一次睇可能有睇唔明嘅地方﹐但再睇無防。唔喺度透露咁多﹐各位自己欣賞啦。