又俾我嚇嚫

今日落 site 嘅時候﹐又嚇嚫個女人。已經係第二次哪。事緣我哋幫 City of Philadelphia 嘅 district attorney 設計佢哋個大形寫字樓。而今日同個日我都係喺其中一層做 survey。做完就將全層嘅總燈制關好走人。因此全層黑麻麻﹐包括電梯大堂。於是我喺漆黑中等電梯。岩岩今次同個次電梯到時都有一個女人喺裡面 。我施施然入電梯﹐兩次一樣﹐女人望住我好幾秒唔出聲﹐當我按制關門再望下錶後﹐女人就驚驚哋咁問我點解層樓咁黑嘅。第一次我答因為個層樓已經空置。奈何佢重驚﹐要我再加句我係嚟做 survey 嘅佢先鬆口氣。於是今次改為講話層樓工程進行中。不過其實佢哋驚都係情有可原嘅。諗下﹐當電梯喺某層停底﹐你諗住好似正常咁見到個燈光火著嘅電梯大堂。但係電梯門一開﹐漆黑一片﹐就已經疾一疾。 然後重有個鬼火咁靚嘅女子喺漆黑中行過嚟﹐入埋電梯。真係唔驚就有假啦。你話係唔係?