心理使然

根據大老細嘅報告﹐頭部郁動係可以影響人們對某事嘅睇法。喺一項實驗當中﹐一批測試者被分成三組。每人都戴上同樣嘅耳筒﹐聽同樣嘅音樂。第一組人需一面聽音樂一面將頭向左右搖擺。第二組一面聽一面將頭向上下搖擺。第三組則只聽音樂﹐頭部靜止。而測試前﹐工作人員怠稱呢項係新耳筒嘅測試。直至測試完畢﹐喺毫無準備之下﹐測試者先至被問及佢哋對教育費調高嘅睇法。而結果相當有趣。平均嚟講﹐第一組認為教育費過高唔合理﹐唔可以再調高﹐甚至應該降低。第二組認為教育費偏低﹐作適量調高亦未嘗不可。而第三組認為岩岩好﹐無需調高或降低。測試結論係當人將頭上下擺動一段時間之後﹐會對第一件所接觸嘅事物認同多於反對。
咁嘅測試喺設計嚟講又有嘜嘢影響呢? 舉個例﹐一般呢講當某些 website loading 之際﹐螢光幕都會出現一條左至右嘅 running bar, 表示 loading. 如果將 running bar 改為上下跳動嘅 bouncing ball, 一般人嘅眼甚至頭都會跟住 bouncing ball 輕微郁動。 當 loading 過後﹐將會對第一樣所見嘅嘢產生認同。如果你喺 bouncing ball 後立即放你張相或你間公司嘅 logo, 就會得到比較多認同喇。