屋漏

近月連場大雨﹐令大姐屋頂屢次漏水。以至天花水跡壘壘。工頭一再維修﹐直至以為再揾唔到漏洞﹐但屋漏依舊。請教我嘅頂頭。佢輕笑一聲﹐因為同一情形﹐亦係佢屋頂出現﹐同樣揾唔到漏洞所在。因為其實漏洞可以好細﹐甚至根本無實際嘅洞﹐只係安裝屋頂時手工稍有差遲﹐就可以做成嚴重屋漏。我自己領教過屋漏兼逢夜雨嘅狼狽。屋主一直唔幫我維修屋頂﹐ 終至整面天花灰板下塌。
屋漏﹐令我反思自己嘅生活中有無一點點如此唔起眼﹐隨便被我忽略嘅漏洞﹔ 或者係一個小小嘅惡念﹐一個小小嘅壞習慣﹐以至喺我生命中痕跡班班嘅表現出惡態。 甚至有一日整個生命下墜。
突然想起某牧師講過一篇道嘅開場白。。。
Q: Have you ever being filled by the Holy Spirit?
A: Yes, but.... I leak.