賭博

公司同事鬧哄哄﹐以為發生嘜嘢事﹐原來唔知邊個做到無無聊﹐發起全公司夾錢買 power ball. 取其投注越多﹐贏面越大﹐然後一齊分。大隊走到我坐位﹐第一句就話﹐贏左大家都可以退休哪。唔知係唔係試探﹐前兩日先因為攪綠卡事宜煩惱。因為時間關係﹐family base petition 可能令我有一段日子唔能夠工作。無收入點算? 喺時候學 BL 節衣縮食哪。又或者返香港算數。心裡念頭一閃﹐贏左六合彩唔洗做就正哪。點知話口未完真係有七合彩出現。個心唔係無郁一郁架﹐但係知道神唔鐘意人賭博﹐ 於是堅持唔參與。全公司可能就我一個落單。
呢個星期忙得嚟又無上週咁忙﹐百忙中重可以利用食飯時間睇一段小說娛樂下。守丹至心扉信中講到每個人嘅命運就好似一個硬套上人身嘅模子﹐每個人只能喺模中成長﹐由好好一個人形畸長成命運模子嘅形狀。人生係唔係一啲選擇都無? 定係每個選擇猶如賭博﹐未到最後一刻唔知開大開細? 面對去留抉擇﹐雖然惱人﹐慶幸我仍能選擇讓神帶領前路。或者我唔係常靠信心上路﹐但係知道有神同在﹐個心點都定一定。未來﹐只有多喺禱告中求神帶領。