表妹妳好嘢

今晚收到喺廣州同我情如金蘭嘅表妹嘅IM﹐ 叫我睇電郵。原來佢已經解破左封鎖線﹐成功進入我嘅部落。喺 Statcounter 果然發現佢已經上左嚟 13 小時之久。開始都係用百度搜尋。後來表妹告知﹐佢唔甘心唔可以直接連線﹐於是喺極度忙碌之間﹐仍起個大早﹐苦思對策﹐終於比佢揾到破解防線之謎。表妹嘅鍥而不捨實在令我又開心又感動。而且令我呢個電腦白黐忍唔住要對佢嘅機智講句"表妹妳好嘢!"