亭園紅

亭園紅一書﹐睇左不下三次。用膳時喜歡一卷在握嘅我﹐喺無書可看之際 (其實家中書架有好多未睇或未睇完嘅書﹐只不過飯時喜歡睇輕鬆一啲嘅書)﹐又再重讀此書。
亭園紅係作者嘅兒時日記改編。記述五個同室女孩於解放之初﹐新舊交替之時於廣州亭園女校就讀嘅片段。全書內容雖似輕鬆﹐ 但隱隱卻透出當時社會動盪嘅無奈。
喜歡睇亭園紅係因為有一種親切感。亭園女校﹐ 實無此校﹐但按推敲﹐所指可能係白鶴洞真光女校。而廣州係我嘅出生之地。兩者都比我莫大嘅親切感。因此令我一讀再讀﹐ 都唔覺得厭倦。反而每次都鉤起童年嘅回憶。估唔到一下子﹐小半嘅人生就已過去。