承受壓力指數 = 3

近日壓力有點大。或者工作關係﹐或者去留問題﹐或者年近歲晚﹐活動多羅羅﹐要籌備﹐要幫忙﹐一樣疊一樣。。。。。但事奉依然令人快樂﹐工作尚有成就感﹐去留唔到我控制。
星期六早上﹐處理完一件戟手事情 (實在未完全處理好﹐尚等今個禮拜同頂頭再研究)﹐突然唔知自己置身何處。好想揾個人傾計﹐好想躲起嚟哭一場。兩樣都無做﹐一個人漫無目的咁喺街上行左一個早上。後來發現自己行到唐人街﹐岩晒﹐順便買午餐加晚餐﹐再買煲湯料﹐等姊妹 H 嚟我家做功課時有湯水。又可令我分分心。
瞓一個午覺﹐又一條好漢。繼續努力工作。但何以一個人時眼睛總有點水汪汪 (當然雙眼精靈係原因之一)﹐喉頭總好似有嘢戟住戟住 (一定係熱氣有痰)?