烈火貨車

今早﹐好夢正酣。一聲巨響驚醒睡美人﹐我。以為唔知邊度晨早就開工爆石。一於好少理。爆石聲再響起時﹐免強爭開眼睇睇。 嘩﹐嘜事窗外煙霧灕漫。足足升到上25樓再漫延成條街。起身研個究竟。原來 Spruce 有火災。但係濃煙太多﹐雖見火光﹐但根本睇唔清係邊度著火。火勢雖似未見漫延﹐但火種夾雜聲聲爆炸都幾嚇人。猶其喺正我樓下﹐雖說遙隔25層樓﹐依然瀝瀝在目。救火車五分鐘後到達﹐好快就控制場面。然後先睇清原來係一架貨車起火。睇嚟似係一架 contractor 嘅貨車。貨車燒得全黑。希望無人受傷。
今年感恩節前夕﹐西座先發生過火警。據聞係 contractor 唔小心﹐喺11樓引起火頭。火勢漫延全層。而12樓亦被波及。上年年尾﹐差唔多時間﹐我哋南座16樓﹐又係因 contractor 唔小心﹐引起火災。
煋煋之火﹐實在可怕。呢個乾橾季節﹐ 大家請小心﹐小心。