換個角度

又係學習名單裡嘅一欄。要結出仁愛﹐喜樂﹐和平﹐忍耐﹐恩慈﹐良善﹐信實﹐溫柔﹐節制呢種一果九味嘅果子真係談何容易。難怪我嘅學習名單長而又長。睇下﹐剛才先喺喜樂﹐節制﹐忍耐﹐信實上失腳。其實何只如此﹐聖靈果子﹐一個唔灌溉﹐怕未結實就枯萎。
食食下餃子﹐想起今日喺公司見到嘅一樁小事﹐令我諗起"換個角度"呢個學習題目。遂又令我想起以前零星事件。話說有日同姊妹到某地。紅燈前﹐後面嘅一輛車無故響安﹐姊妹輕輕表示一句不滿。另一日﹐同另一位姊妹出遊﹐佢架車嘅安非常敏感﹐因此當佢係紅燈前手舞足動嘅講話時﹐一個唔小心按響車安。結果被怒目而視。又一日﹐當我入辦工大樓電梯時﹐雖然裡面無人﹐但有十個按鈕已被按下。不過因為唔趕時間﹐層層停無所謂﹐反而懶唔想等另一部電梯。後來下一層入嚟一位老太太﹐我向佢解釋惡作劇與我無猶。佢唔出聲﹐以為佢明白。誰知原來佢唔信我﹐出電梯時拋低一句 "你不如返幼稚園讀書。" 又一日﹐入電梯時一按﹐好幾層樓嘅燈都著左﹐原來按鈕出故障。咁講可能前一次都唔係任何人嘅惡作劇。一邊食餃子﹐一邊諗可能好多時當我對人哋不滿之際﹐根本只係一個可以解釋嘅小意外。當我因別人嘅行徑憤慨時﹐換個角度嚟諗﹐可能就係小誤會咁簡單。