非法移民大遊行

今日係全美非法移民大遊行日。費城嘅遊行本應係十二點喺 Love Park 進行。公司喺正 Love Park 隔離﹐通常有嘜集會都一纜無遺。而有人放炸彈或炸魚蛋又係我哋走人先。呢個據點特別多嘢睇。
十一點打後就聽到外面車銨加人聲﹐一眾八掛同事都企喺窗邊睇嘢。我笑言我都要落去支持下佢哋。點知同事D話: "唔洗﹐你快啲嫁比阿頂頭咪得囉。" 滴汗。。。。
下星期二約見移民辦事處。到時就可能會有個大概知道我趕唔趕得切喺下年工作簽證到期前辦妥第一階段綠卡申請。不過有時選擇多反而惱人。如果話嚟唔切﹐我就心安理得﹐無選擇地回歸。但如果嚟得切﹐我走好? 唔走好? 不過一切都係等下星期再諗。都係個句﹐聽神安排。