懷舊

突然諗起中學時代有咁嘅一幕。。。
話說當年教體育課有兩位主要嘅男老師。一位朱老師﹐就係兼職喺無線拍季節嘅唐泰。另一位串串貢嘅吳老師﹐差唔多整個五年中學都係比佢教。
一日﹐當吳老師教緊我哋游水之際﹐運動方面不褸極佳嘅積積以快速游到泳池邊﹐眼都未睜開就伸手上岸。點知一手掂到企喺池邊嘅吳老師嘅腳。
積積即時話 : "嘩﹐即刻要洗手先得 (唔知阿積積係唔係從個時起染上洗手癮?) " 然後將隻手放翻落池水。
點知串串貢嘅吳老師一聽﹐立即就話 : "嘩﹐即刻要洗腳先得。"然後將隻腳放落池水。
呢件事好似足足被我哋攞嚟笑左一星期。