一時感觸

星期五﹐同事A走過嚟詢問有關我部免費手機嘅功能。我問同事A係唔係想換手機。佢話女友星期三跌爛手機﹐要換一部新嘅。同事A女友跌爛個部正係我部舊手機。跌左好幾次依然非常健康﹐如果唔係轉傳訊計劃都唔會換。突然諗起同事A同佢女友星期三嗌大交﹐同事A連"襟"女友電話三次。會唔會如是女友眼火爆﹐唔係跌爛手機﹐ 而係摔爛電話? 其實又唔怪得同事A如此無禮﹐事關佢已經好言相向﹐但係其女友大罵如故。我喺十二尺以外都聽得到電話聽筒中傳嚟嘅咒罵聲。其實同事A同女友經常吵吵鬧鬧﹐我已見慣不怪。但係唔知點解當時突然非常感觸﹐心諗能夠被所愛嘅人愛﹐聽起上嚟平平無奇﹐但係實際上真係唔係理所當然。當有幸你所愛嘅人又剛好愛你﹐何以唔感恩﹐唔珍惜﹐重要經常為小事損害彼此感情? 一時感觸﹐忍唔住同左好姊妹同好朋友們分享我嘅心情。
無獨有偶﹐星期六同大姐傾談中﹐佢講左同樣一翻話。
有幸遇上而又能相愛嘅各位﹐請好好珍惜你哋嘅另一半。