公司反斗城 之江湖再現

公司自從搬左嚟草莓大廈之後﹐因為新寫字樓係 open plan design﹐你眼望我眼﹐大家都表現得含朿少少。所以少左好多手球大戰。又因為無左條長走廊﹐又少左人喺度打哥爾夫球。但係貪玩嘅同事始終會搵到嘢玩。新寫字樓有一個 gathering space, 當中有個大螢幕。我個位正係喺 gathering space 隔離。做做下嘢﹐無啦啦聽到保齡球聲。一望之下﹐原來同事們正喺度玩緊電腦保齡球。係模擬真實環境﹐要成個人跟住郁個種。因為場地夠大﹐方便走動。依家佢哋又轉左去玩網球哪。認真無王管。