網上講道

感謝神﹐我做呢份工雖然工作時間長﹐但係上班時間可以聽歌﹐聽電臺﹐聽嘜都得。又要唔該晒龍教授將恩福堂嘅講道收集﹐於是我日日聽講道。平均每日聽3, 4個講道。實在俾到我好多安慰同鼓勵。猶其我依家唔能夠個個禮拜返教會。但係存貨唔多﹐又因為我回歸後會去北宣﹐所以又去聽北宣講道。雖然我知聽道係聽神嘅話語﹐唔係聽某某牧師講嘢。但係都忍唔住專揀溫偉耀博士嘅講道嚟聽。因為好鐘意佢啲寸寸貢嘅風格﹐加上佢歷經風浪嘅人生。喺呢個時候特別俾到我安慰。溫博士喺女兒弱智﹐太太同父親喺半年之中相繼癌病去世﹐後來自己又患病嘅一連串歷程中﹐更經歷神嘅同在。佢其中一句座右銘係"唔洗怕﹐因為每一次又有大件事發生時﹐要知道神有更大嘅事要成就喺我身上。"