心平氣和

終於好好溝通過。自憐離去﹐苦毒消失。剩落嚟嘅只有依然濃重嘅可惜﹐同慢慢淡褪嘅傷心。誤會﹐時間不對﹐溝通遇障﹐以至結局如此。你嘅感受﹐我全然明白體諒。希望你同樣明白體諒我嘅感受。可惜﹐後悔。如果故事重組﹐時差改變﹐一念之差嘅唔同﹐又會係如何嘅境況? 但係相信木魚所講﹐人會出錯﹐但係神唔會。神有絕對能力改變人嘅錯誤。有絕對能力將人嘅錯誤化作神嘅祝福。讓我相信﹐人嘅出錯依然喺神嘅掌握之中。既然神容許發生嘅事﹐必有佢更大嘅美意喺背後。讓我安然將一切交喺神手中。