Random shooting AGAIN

兩晚前發左個夢﹐夢見自己喺火車上。突然有個變態女人闖入列車﹐向剩客開槍。尋晚﹐因為要維修大提琴枝弓 (嗚嗚嗚﹐我唔小心整裂左弓頭塊骨片) 一個人走去 Wyndmoor. 回程火車上﹐望住寥寥幾個剩客﹐突然想起之前嘅夢境。於是好認真咁諗﹐如果真有其事﹐我應該藏身何處。
幻想雖然只係幻想﹐但真實嘅世界﹐原來真有其事正在發生。尋晚就有一個十八歲少年喺 Salt Lake City Trolley Square Mall 隨意開槍﹐做成五死四傷。聽到呢啲新聞真係令人好難過。呢個世界何處有真正嘅安穩? 人心中有幾多恨﹐幾多不滿?
其實﹐如耶穌所講﹐恨人就等同殺人﹐我又有無喺心中殺錯好多良民?
求神安慰此次事件中傷心與受傷嘅人。又求神讓我哋心中都能多有愛﹐將恨﹐將怨﹐將不滿除去。