仍能喜樂

尋日我對某某講﹐我好唔開心﹐你講個笑話嚟聽。佢諗都無諗就話﹐"我係靚仔﹐我係靚仔﹐我係靚仔。" 重要一句比一句激昂。笑死我。比我個句天下第一美人更加令人嘔白泡。你估佢係邊個?
又一日﹐呀某某對住個 bulletin board 話﹐"嘜嘢叫做 "丁蟹老人家" 呀?" 丁蟹老人家? 大時代? 我一睇﹐原來寫住 "了解老人家。" 又笑死我。你估佢又係邊個?
又一日﹐又有個某某同我喺網上講嘢﹐隔左好耐佢無啦啦彈句 "um" 我問 "um what?" 佢話"唔 lor." 哦﹐痾紙唔出。佢話 "係呀﹐jam jor." 哈哈﹐jam 紙? 笑死我。同我有翻咁上下核突嘅﹐又係邊個?
呢兩日好唔開心。但多謝各方好友出盡法寶引我笑﹐輔導我﹐陪我傾計﹐陪我食飯。多謝晒。
最後﹐希望譚家同 lokfu 都得著神嘅安慰。
VaVa, 記住你講"要几灰有几灰﹐ 要几開心有几開心!" 無論環境如何﹐一齊揀喜樂。呢個係神嘅應許。你要加油呀。