平反

英文名同時裝一樣﹐一輪一輪。七十年代流行嘅喇叭褲﹐鬆糕鞋﹐九十年代重現。領帶同衣領一樣﹐闊完窄﹐窄完又闊。。。
Emily 一度成為老女人名﹐轉完一圈又變成21世紀嘅首位熱門新生兒名字。
花蝴嘅英文名係姑姐改嘅﹐由細用到大。在港時﹐非常罕見﹐以為自己個名好特別。赴美後﹐依然罕見。但終於知道罕見皆因此名乃另一老女人名。曾於 20, 30 年代盛極一時。朋友笑言如果到老人中心叫一聲花蝴蝶﹐將有十個八個婆婆舉手。不過20世紀末﹐聞言此名開始有重新流行蹟象。曾一度翻升到第四百幾十位最受歡迎新生兒名字。之但係進入 21 世紀後﹐又滑落至第六百幾位。但好歹都喺 1000 名以內。話唔定好幾年後會好似 Emily 咁人氣急劇攀升。咁到時就唔洗被人笑我係老女人啦。言則﹐可能等到平反之日﹐我已經變成正牌老女人。
Popular Baby Names by Decades