講道笑料

今日喺度聽梁燕城博士喺播道會嘅講道。聽聽下﹐聽到啲好熟口面嘅對白。。。諗一諗。。。哦。。。
話說當年 2004 年頭﹐梁博士嚟我哋教會開佈道會﹐大佬菜同我負責星期六晚領詩。於是星期四我倆連同特約司琴龍教授返教會諗對白兼排練。兩首歌﹐每一天同輕輕聽已由悶人幫我哋揀好。我哋只要排對白。大佬加我﹐當時決定攪下笑﹐唔用一般嘅正經手法帶詩。後來我哋問樑木有無嚇親﹐佢笑笑口話新鮮。
我重記得當時嘅對白係。。。
花: 菜﹐ 依家幾點哪?
菜: 二千幾點哪。
花: 我係問你依家幾點鐘﹐夠鐘請梁博士出嚟講道未呀。
(後來李弟兄問幾時跌到咁低。其實我哋諗對白時完全無做過 research。)
然後今日喺梁博士嘅講道中聽翻呢個笑話。 唔知梁博士係唔係對我同大佬嘅領詩印像深刻呢?
其他片斷對白好似重有。。。
花: 我最唔鐘意食豬扒。最唔鐘意聽到呢兩個字。
菜: 依家都無豬扒你食啦﹐又話肝炎﹐ 又話瘋牛症﹐ 又話禽流感。 我依家淨係敢食菜咋。。。。

(除左笑料外﹐呢篇都係一篇好感人嘅道。)