不捨

喺揚恩接近八年。應該話喺學生團契十三年。從自己做學生﹐到後來成為導師﹐十三年來﹐學生們嚟嚟去去﹐慢慢以為已習慣。猶其揚恩每年都有唔同嘅 UPenn 交換生。曾經不捨過﹐但慢慢亦以為習以為常。
年紀越大﹐經歷生離死別越多。但原來從來唔會看淡﹐原來離愁始終會有。
星期日﹐最後嘅午餐過後﹐一輪擁抱道別後﹐大家分道離去。開始 12 人﹐一個街口後﹐剩 3 人﹐再一個街口﹐2 人。最後自己一個走。雖然我係返教會練詩﹐但最後剩 低我一個嘅感覺卻令人淒清。奇﹐每個星期都如是﹐每星期都從一大班人分道至自己一人﹐何以今次感觸特多? 大概係對一班交換生嘅不捨﹐從而聯想到自己亦即將別離。想起曾經真摯﹐如今形同陌路嘅關系。想起喺我生命中交會又分離嘅人。突然一陣孤獨嘅感覺來襲。