放鬆

其中一個 project manager 放兩星期假﹐我暫做代班 PM。加上自身工作﹐頗有壓力。好彩已完成前一陣子嘅趕圖生涯。但尚未全然平伏嘅心情﹐令我仍覺黯然。
又一臉倦容去學琴。向老師訴左一陣苦。誰知佢同樣 stress-out﹐於是相互勉勵一翻。感激老師亦係基督徒。講完一輪﹐佢提意拉下簡單嘅大提琴二重奏。唔太需要用腦嘅簡單小調﹐但卻因為二重奏嘅和弦﹐變得非常動聽。於是我哋一首接一首咁拉。煩惱突然如退潮般退去﹐甚至感動得有點兒淚盈於睫。慢慢整個人放鬆落嚟。
可惜時間太短﹐但回程時已輕鬆不小。乘著放鬆嘅情緒﹐喺巴士上慢慢數算恩典。承言值得感恩嘅事依然眾多。讓我再學習數算主恩。