記得鄉姑成熟時

公司每年嘅 marketing party 又到。我又會作行政人員打扮。今年適逢公司二十週年﹐所以主題又係啲回顧過往二十年﹐展望將來二十載諸如此類嘅嘢。為配合題目﹐今年我哋各人嘅名牌上都會印有自己喺 1987 年嘅樣。我咋聽之下﹐衝口而出﹐我 1987 年都未出世。各人呆左3秒。終於識反應﹐原來佢哋喺電光火石間居然信以為真﹐但係又覺得有啲唔妥。3秒後先至思路清盺﹐先識講 "Yea, good try. " "Right, you were not even born, huh?" "We know how old you are." 哎吔。
1987 年嘅相﹐難度在於我所有兒時 (兒時﹐真係好鬼鐘意呢個詞) 嘅相都喺香港。又正巧二姐嚟左美國。雖然佢依家返左香港﹐但時間太闖齪。突然靈光一閃﹐記得我嘅新 passport 今年到期﹐而香港嘅 passport 係每十年換一次﹐而我來美時重用緊舊 passport。於是立即攞本舊 passport 出嚟睇﹐果然發於 1987 年。即刻翻到證件相果頁。嘩﹐唔睇猶自可﹐一睇暈低左。真係驚為癲人。不過從好個方面諗﹐我只有越嚟越如花。嘩卡卡卡卡卡卡卡卡卡。。。。。