分前恐懼症

分離嘅日子一日比一日近。點解我會覺得越嚟越怕? 係因為怕執唔晒嘢? 因為睇唔清前路點去走? 因為怕重新適應一個舊環境? 定係怕同大家唔知何年何月先可以再見?
好姊妹一直唔肯承認我真係要走。
同事提意喺儲物房辟一角俾我放書放文具﹐等我返嚟再用。
親戚竟然問我依家賣晒啲嘢﹐返嚟時再買過會唔會好麻煩。
友人問完我一次又一次我係唔係真係走。
團友問我可唔可以唔走。
連我自己都開始懷疑我係唔係真係要走﹐我重會唔會再返嚟。
見以前離開嘅朋友走得灑脫。但係我一啲都瀟灑唔起。
十三年。
如果唔係要開始已經拖左好耐嘅收拾工程﹐如果唔係歡送會一浪接一浪﹐我可能重潛意識逃避去諗。
年初曾大言不慚咁話﹐無嘢值得留戀。但係原來要留戀嘅太多太多。